काठमाडौं । महालेखा नियन्त्रक कार्यालयले एकैपटक लेखा समूहका ५०८ जना कर्मचारीको सरुवा गरेको छ ।

३४ उपसचिव ९प्रमुख कोष नियन्त्रक र उप–महालेखा नियन्त्रक०, १२२ शाखा अधिकृत ९लेखा अधिकृत र कोष नियन्त्रक० र ३५२ नायब सुब्बा ९लेखापाल० गरेर ५०८ जना लेखा समूहका कर्मचारीको महालेखाले एकैपटक सरुवा गरेको हो ।

यस अघि महालेखा नियन्त्रक कार्यालयले गत वैशाखमा लेखा समूहका ६ जना उपसचिव र ४४ जना शाखा अधिकृतको सरुवा गरेको थियो ।

महालेखाले सरुवा तथा काज व्यवस्थापन मापदण्डका आधारमा कर्मचारीको सरुवा हुने व्यवस्था गरेको छ । यसअनुसार कार्य प्रकृति, कार्यबोझ, भौगोलिक क्षेत्र, कार्य सञ्चालन, कोष सञ्चालन एवम् व्यवस्थापन, आन्तरिक लेखा परीक्षण केन्द्रीय लेखा सम्बन्धी अनुभव समेत दिलाउने उद्देश्यले सरुवा गरिएको कार्यालयले जनाएको छ ।
को कहाँ भए सरुवा हेर्नुस् सूची