काठमाडौं । एसिसी यू–१९ एसिया कप क्रिकेटमा नेपालले आज अफगानिस्तानसँग खेल्दै छ ।

युएईको दुबईस्थित आइसिसी एकेडेमी ओभल–२ मा नेपाल र अफगानिस्तानबीचको खेल बिहान सवा ११ बजे सुरू हुने भएको छ ।

दुबै टोली पहिलो खेलमा पराजित भएका थिए । पहिलो खेलमा नेपाल पाकिस्तानसँग ७ विकेट र अफगानिस्तान भारतसँग ७ विकेटले पराजित भएको थियो । नेपालले तेस्रो खेल भारतसंग मंगलबार खेल्नेछ ।

नेपालको टोली : देव खनाल (कप्तान), दीपक डुम्रे, उत्तम थापा मगर, विपिन रावल , गुलशन झा, अर्जुन कुमाल, आकाश त्रिपाठी, हेमन्त धामी, दीपेश कंडेल, सुभाष भण्डारी, दीपक बोहोरा, तिलक राज भण्डारी र आकाश चन्द,विशाल विक्रम केसी ।