काठमाडौं । नेपाली कांग्रेसको संस्थापन इतर समूहको नेतृत्व गरेका शेखर कोइराला–गगन थापा पक्षका नेताहरुको भेला सुरु भएको छ ।

काठमाडौंको बत्तिसपुतलीस्थित अनुपम फुडल्याण्डमा बैठक सुरु भएको हो ।

भेलामा उपसभापति धनराज गुरुङ, नेताहरु अर्जुननरसिंह केसी, डा। मिनेन्द्र रिजाल,चन्द्र भण्डारी सुनिल शर्मा लगायत छन् ।

यो भेलामा आसन्न महासमिति बैठक, राष्ट्रिय सभा निर्वाचन, सरकारको प्रभावकारिता, सुशासनलगायतका विषयमा छलफल हुनेछ ।

नेता शेखर कोइरालाले आफूसँग परामर्श नगरी हिजो मंगलबारलाई भेला बोलाएको भन्दै महामन्त्री गगन थापाले आफू सहभागी नहुने जनाएपछि मिति परिवर्तन गरेर आजलाई भेला सारिएको थियो ।