काठमाडौं । ललितपुर महालक्ष्मी नगरपालिका वडा नम्बर ८ लुभुका राजेन्द्र रेग्मी (निरहरि बाबा) पछिल्लो १५ दिन यता निरहार बसेका छन् । विपी चाेक रुप्सेटार सुन्दरीजलमा उनी अहिले निरहार बसिरहेका हुन् ।

गिनिज बुकमा नाम लेखाउने उदेश्यले उनले अहिले त्यहाँ सिसिटिभिसहित जडान गरेर निरहार बसेका हुन् । उनी जतिपनि समय निरहार बस्न सक्ने भन्दै त्यसरी बसेका हुन् । विगत ९ महिनादेखि फलफुल, पानी र खाध्यान्नबिना बाँचिरहेका उनले २०७६ सालदेखि नियमित खाना समेत नखाएको दावी गरेका छन् । २०७९ फागुन देखि भने उनले खानपान पूर्णतया छाडेको बताएका छन् ।

भगवान महाकाल शिवको आफु कडा भक्त भएको बताउने रेग्मीले पशुपतिनाथ, मुक्तिनाथ, कालभैरव, कुमारीदेवी, गुरु गोरखनाथ मन्दिर र भारतमा उज्जन महाकाल मन्दिर, विश्वनाथ मन्दिर वराणसी, हरिद्धार, कामाख्या मन्दिर आदी दर्शन गरिसकेका छन् ।

उनको दावी अनुसार, सुरुमा उनको तौल १२० केजी थियो । तर सपना र सुत्ने समयमा दिब्य शक्ति पाएकोले एकै रातमा ८० केजी घटेको उनले दावी गरेका छन् । आफनो शरीर अन्य सामान्य मानिसको भन्दा फरक रहेको उनले जिकिर गरेका छन् ।

‘मेरो शरिर रवरको थैली मार्सपियम जस्तै छ । कसैले शरीरमा प्रहार गरयो भने पनि केही हुँदैन,’ उनी भन्छन्, –‘अरुको तुलनामा मेरो आफनो शरिर बलियो छ ।’

झरनाबाट आफनो टाउकोमा पानीको धारा छोडेर वा भगवान शिवलाई जलविषेक भनेर ट्याप गरेर २४ घण्टा सम्म बस्न सक्ने पनि उनले दावी गरेका छन् ।