धनगढी । धनगढीमा जारी सुदूरपश्चिम महोत्सव २०८० मा नायक पल शाहको ब्रासलेट हराएको छ।

शनिबार महोत्सवमा प्रस्तुति दिने क्रममा शाहको ब्रासलेट हराएको हो । उक्त ब्रासलेट करिब ३ तोला सुनको रहेको बताइएको छ ।

महोत्सवमा उद्घोषकले शाहको ‘ब्रासलेट हराएको सूचना’ पनि जानकारी गराएका थिए। तर सिसिटिभी नै हेरिएपनि अहिलेसम्म फेला नपरेको आयोजकले जनाएको छ।

शाहले भने ब्रासलेट हराएकोमा कुनै दुःख व्यक्त नगरेको बताइएको छ ।

आयोजकका अनुसार आइतबार १ लाख बढी दर्शकले महोत्सव अवलोकन गरेका थिए।