काठमाडौं । त्रिभुवन अन्तर्राष्ट्रिय बिमानस्थलबाट विलविजक तथा प्रज्ञापनपत्र नभएको विभिन्न किसिमका मोबाइलका डिस्प्लेहरु सशस्त्र प्रहरीले मंगलबार बरामद गरेको छ ।

सोमबार सांझ ५ः३५ बजे नेपालगन्जबाट काठमाडौं पठाइएको १२ वटा कार्टुनमा रहेको १४ सय थान बिभिन्न मोबाइलका डिस्प्लेहरु सशस्त्र प्रहरी बल नेपालको ईन्टेलिजेन्स ब्युरोबाट त्रिभुवन अन्तर्राष्ट्रिय बिमानस्थलमा खटिएको टोलीको बिशेष सुचनाको आधारमा बरामद गरेको हो ।

उक्त सामानहरु जय मां दुर्गा इम्पेक्स काठमाडौको नाममा ६ कार्टुन र न्यौपाने ट्रेडर्सको नाममा ६ कार्टुन गरी १२ कार्टुन रहेको थियो ।

बरामद सामान आवश्यक अनुसन्धानको लागि राजश्व अनुसन्धान बिभाग हरिहरभवनबाट खटिएको सशस्त्र प्रहरी बलको राजश्व प्रहरीले सोहि बिभागमा बुझाएको छ ।