काठमाडाैँ । हाल नेपालमा पश्चिमी वायूको सामान्य प्रभाव रहेको छ।

जसको प्रभावले देशका सुदूर पश्चिम, कर्णाली र लुम्बिनी प्रदेशमा आंशिक बदली भएको छ। तराई मधेशमा हुस्सु र कुहिरो लागेको छ।

मौसम पूर्वानुमान महाशाखाका अनुसार आइतबार दिउँसो पनि देशका पहाडी भू-भागमा आंशिकदेखि सामान्य बदलीको अवस्था रहेकाे छ ।

बाँकी भू-भागमा आंशिक बदलीदेखि मौसम सामान्यतया सफा रहने अनुमान छ। देशको उच्च पहाडी तथा हिमाली भू-भागका थोरै स्थानमा आज हल्का हिमपातको पनि सम्भावना रहेको छ।

आज राति देशका पहाडी भू-भागमा आंशिक देखि सामान्य बदली रही बाँकी भू-भागमा मौसम सामान्यतया सफा रहनेछ। गण्डकी र कोशी प्रदेशका उच्च पहाडी तथा हिमाली भू-भागको एक-दुई स्थानमा हल्का हिमपातको पनि सम्भावना रहेको छ।

पहाडी भू-भागमा आंशिकदेखि सामान्य बदली, उच्च पहाडी तथा हिमाली भू-भागका थोरै स्थानमा हल्का हिमपात तथा तराईका भू-भागमा हुस्सु र कुहिरोको कारण बढ्ने चिसोबाट बच्नको लागि आवश्यक उपाय अपनाउन पनि महाशाखाले सबैलाई अनुरोध गरेको छ।