काठमाडौं । राष्ट्रिय सभा निर्वाचनको सिट बाँडफाँटबारे सत्ता गठबन्धनको बैठक सकिएलगत्तै नेकपा एमालेका अध्यक्ष केपी शर्मा ओली बालुवाटार पुगेका छन्।

आगामी माघ ११ गते हुन लागेको राष्ट्रिय सभा निर्वाचनको सिट बाँडफाँटबारे कांग्रेस, नेकपा माओवादी केन्द्र, एकीकृत समाजवादी र जनता समाजवादी पार्टी (जसपा) का नेताहरूबीच बुधबार छलफल भएको छ । बिहीबार बिहान बस्ने गरी नेताहरुको बैठक सकिए लगत्तै ओली बालकोटबाट बालुवाटार पुगेका हुन्।

प्रधानमन्त्री पुष्पकमल दाहाल प्रचण्डले कांग्रेस सभापति शेरबहादुर देउवा र ओलीसँग राष्ट्रिय सभा निर्वाचनको सिट बाँडफाँटबारे छलफल गर्दैछन्।