काठमाडौं । सत्तारुढ गठबन्धनको दल नेकपा एकीकृत समाजवादीले पार्टीबाट मन्त्री भएकाहरुलाई प्रगति विवरण पेस गर्न निर्देशन दिएको छ।

एकीकृत समाजवादीको सोमबार बसेको सचिवालय बैठकले पार्टीको प्रतिनिधित्व गर्दै सरकारमा सहभागी भएका मन्त्रीहरूलाई प्रगति विवरण पेस गर्न निर्देशन दिएको प्रवक्ता जगन्नाथ खतिवडाले जानकारी दिए ।

उनका अनुसार सरकारमा सहभागी भएपछि गरिएका कामको विवरण पेस गर्न निर्देशन दिइएको हो।