काठमाडाैँ । थापाथलीस्थित प्रसूति अस्पतालबाट २६ दिने शिशु लिएर फरार भएकी महिलालाई शनिबार मध्यराती प्रहरीले  काँडाघारीबाट नियन्त्रणमा लिएको छ।

 प्रहरीका अनुसार शिशु लिएर फरार भएकी महिला दैलेख घर भएकी मनकुमारी सिंह रहेको बताए । उनीसँगै प्रहरीले उनका श्रीमान र दिदीलाई पनि नियन्त्रणमा लिएको छ। उनीहरूलाई प्रहरीले काँडाघारीस्थित डेराबाटै नियन्त्रणमा लिएको हो। 

शिशु चोर्ने महिलाले प्रहरीसँगको प्रारम्भिक बयानमा विवाह गरेको लामो समयसम्म पनि आफ्नो बच्चा नभएका कारण आफूले सन्तानको रहर पूरा गर्न शिशु चोरी गरेको बताएकी छन् ।

अनुसन्धानमा खटिएका एक प्रहरीका अनुसार  बच्चा नभएपछि आफूले डाक्टरलाई देखाउँदा डाक्टरले सन्तान नहुन सक्छ भनेपछिउनले बच्चा चोरेर सन्तानकै रूपमा हुर्काउने योजना बनाएर प्रसूति गृह पुगेको र त्यहाँ एक महिलाको शिशु एकछिन बोक्छु भनी लिएर आएको मनिसाले प्रहरीसमक्ष बयान दिएकी छन्। 

मनिषालाई नियन्त्रणमा लिएर थप अनुसन्धान भइरहेको प्रहरीले बताएको छ ।