कास्की । सेतीमा आछा मार्न गएका एक युवकको शव फेला परेको छ, भने अर्का युवकको खोजी भईरहेको छ ।

कास्की जिल्ला पोखरा महानगरपालिका- १७ महतगौडा स्थित सेती नदिमा माछा मार्ने क्रममा बेपत्ता भएका एक युवकको शव सशस्त्र प्रहरिले निकालेको हो । उनी सँगै गएका अर्का युवकको भने खोजिकार्य जारी छ ।

माछा मार्न गएका ५ जना मध्ये सोही महानगरपालिका -१ कसेरी बस्ने ४० बर्षका मंगा तामाङ्ग मृत अवस्थामा ढुङ्गामा अड्किएको अबस्थामा सशस्त्र प्रहरी बल नेपाल नं. २४ कालिका गण कास्की बाट गएको गोताखोर र बिपद् उद्दार टिम सहितको फौजले आईतबार राती पौने १ बजे शव फेला पारेको हो ।

सोही ठाउँ बस्ने ४३ बर्षका रक्सेस तामाङ्गको खोजी कार्य जारी राखेको छ । शव पोस्टमार्टमको लागि पश्चिमाञ्चल स्वास्थ्य विज्ञान प्रतिष्ठान पठाएको डिएसपी शैलेन्द्र थापाले जानकारी दिए । साथै माछा मार्न गएका अन्य ३ जना भने सकुशल रहेका थापाले बताए ।