काठमाडौं । उपप्रधान तथा गृहमन्त्री रवि लामिछानेले आफूहरू केही समय ‘होमवर्क’मा रहने बताएका छन्।

गृहमन्त्री भएको दुई दिनपछि लामिछानेले शुक्रबार सामाजिक सञ्जाल मार्फत ‘चेक लिस्ट’ सहित आएको र केही कम्प्रमाइज नहुने बताएका हुन्। ‘चेक लिस्ट’ सहित आएका छौं । ‘कम्प्रोमाइज’ हुन्न । केही समय ‘होम वर्क’ मा रहनेछौं,’ उनले लेखेका छन् ।

लामिछाने नेतृत्वको राष्ट्रिय स्वतन्त्र पार्टी ४ वटा मन्त्रालयसहित सरकारमा सहभागी भएको छ। उपप्रधान सहित गृह मन्त्रालयको जिम्मेवारी रविले सम्हालेका छन् । उपसभापति डीपी अर्यालले श्रम तथा रोजगार मन्त्रालय, सहमहामन्त्री सुमना श्रेष्ठले शिक्षा, विज्ञान तथा प्रविधि र संसदीय दलका उपनेता विराजभक्त श्रेष्ठले युवा तथा खेलकुद मन्त्री बनेका छन् ।