काठमाडौं। सरकारले करिब एक दर्जन सचिवहरुको सरुवा गरेको छ ।

बिहीवार बसेको मन्त्रिपरिषद् बैठकले मन्त्रालय तथा प्रदेश मुख्यमन्त्री तथा मन्त्रिपरिषद कार्यालयका प्रदेश प्रमुख सचिवहरूको सरुवा गरेको हो ।

सरुवा सुची अनुसार बागमती प्रदेशका प्रमुख सचिव घनश्याम उपाध्याय श्रम, रोजगार तथा सामाजिक सुरक्षा मन्त्रालयको सचिवमा सरुवा भई आएका छन् । वित्त आयोगका सचिव कृष्ण बहादुर राउत उद्योग, वाणिज्य तथा आपूति मन्त्रालय(उद्योग)मा गएका छन् भने त्यहाँका सचिव मुकुन्द निरौलालाई उपराष्ट्रपतिको कार्यालय सरुवा गरिएको छ ।

यसैगरी मधेस प्रदेशका प्रमुख सचिव दिनेश कुमार घिमिरे उद्योग, वाणिज्य तथा आपूति मन्त्रालय (वाणिज्य) सचिवमा सरुवा भई आएका छन् भने त्यहाँका सचिव नारायण प्रसाद शर्मा दुवाडी निर्वाचन आयोगमा सरुवा भएका छन् ।

त्यस्तै भौतिक पूर्वाधार तथा यातायात मन्त्रालयका सचिव केशव कुमार शर्मा ऊर्जा आयोगमा सरुवा हुँदा त्यहाँका सचिव गोपाल प्रसाद सिग्देल शर्माको ठाउँमा भौतिक पूर्वाधार तथा यातायात मन्त्रालय आएका छन् । जल तथा ऊर्जा आयोगको सचिवालयकी सचिव सरिता दवाडी सिँचाइमा लगिएको छ । त्यहाँ कार्यरत सुशील चन्द्र तिवारीलाई ऊर्जा, जलस्रोत तथा सिँचाइ मन्त्रालयमा पठाइएको छ ।

यसैगरी उपराष्ट्रपतिको कार्यालयका सचिव मधुसूदन बुर्लाकोटी स्वास्थ्य तथा जनसङ्ख्या मन्त्रालयको सचिवमा सरुवा भएका छन् । यसअघि सरुवा हुने सूचिमा रहेका अर्थ मन्त्रालयका सचिव कृष्णहरि पुष्करको भने आज सरुवा भएन । उनि अर्थ मन्त्रालयमै पद थमौति गर्न शक्तिकेन्द्र धाइरहेको स्रोतले जनायो ।

अहिले प्रधानमन्त्री तथा मन्त्रिपरिषद्को कार्यालयमा सचिवहरूले पत्र बुझिरहेका छन् ।