काठमाडौं । गोरखाको चुमनुब्री गाउँपालिका–१ मनास्लु क्षेत्रमा रहेको वीरेन्द्र ताल फुटेको छ । हिमताल फुटेपछि त्यहाँको स्थानीय खहरेमा ठूलो बाढी आएको जिल्ला प्रहरी कार्यालय गोरखाले जनाएको छ।

ताल भएको क्षेत्रतिर प्रहरी टोली परिचालन गरिएको छ,बाढीले पुर्याएको क्षतिको विवरण भने आइसकेको छैन ।

बाढीले क्षति पुर्‍याउन सक्ने भन्दै धार्चे, आरुघाट लगायत क्षेत्रमा सतर्क रहन प्रमुख जिल्ला अधिकारी भोला दाहालले आग्रह गरेका छन् ।