काठमाडौं । प्याजबिना भान्सा अधुरो जस्तै छ । खानाको स्वाद बढाउनका लागि यसको प्रयोग गरिन्छ ।

प्याज स्वास्थ्यका लागि निकै फाइदनक मानिन्छ । विशेषगरी गर्मीेमा यसको प्रयोगले धेरै प्रकारका समस्याबाट बच्न सकिन्छ ।

प्याजमा पाइने एन्टि अक्सिडेन्ट र फाइटोकेमिकलले शरीरको रोग प्रतिरोधात्मक क्षमता बढाउँछ र संक्रमणसँग लड्न मद्दत गर्छ।

प्याजमा प्राकृतिक चिसो हुन्छ,जसले शरीरको तापक्रम नियन्त्रण गर्न मद्दत गर्छ। प्याजको सेवनले आन्द्रामा राम्रो ब्याक्टेरिया बढाएर पाचन समस्याबाट बच्न सघाउँछ ।

गर्मीमा प्याजबाट बढीभन्दा बढी फाइदा लिन काँचो सेवन गर्नु बढी फाइदाजनक मानिन्छ।

स्वास्थ्य विज्ञहरुका अनुसार काँचो प्याज खाएमा गर्मीको खतराबाट पनि बच्न सकिन्छ।