काठमाडौं । प्रधानमन्त्री पुष्पकमल दाहाल प्रचण्डले मन्त्रिपरिषद् हेरफेरको तयारी गरेका छन्। हेरफेरसँगै नागरिक उन्मुक्ति पार्टी (नाउपा) की अध्यक्ष रञ्जिता श्रेष्ठ सरकारमा जाने तयारी गरेकी छन् ।

प्रधानमन्त्री पुष्पकमल दाहाल प्रचण्डले श्रेष्ठलाई संस्कृति, पर्यटन तथा नागरिक उड्ययन मन्त्री नियुक्त गर्ने तयारी गरेका छन् ।
‘सरकारमा जाने भन्ने कुरा हो, प्रधानमन्त्रीले पर्यटनमन्त्री भन्नुभएको छ’, श्रेष्ठले भनिन् ।

श्रेष्ठ निकटस्राेतले एक हप्ताभित्र क्याबिनेट पुनर्गठन गर्ने प्रधानमन्त्रीले बताएकाे जानकारी दियाे ।
यसअघि श्रेष्ठले भूमि व्यवस्था तथा सहकारी मन्त्रालय लिने तयारी रहेकाेमा आफ्नो निर्वाचनक्षेत्र टिकापुरकाे बन्द रहेकाे एअरपोर्टलाई बिस्तार गरि सञ्चालन गर्ने रणनीति साथ पर्यटन मन्त्रालय राेजेकाे श्रेष्ठ निकट स्राेतले जानकारी दियाे ।
यसअघि श्रेष्ठले आफु मन्त्री नबनेर अर्का सांसद अरुण चाैधरीलाई मन्त्री बनाउने तयारी गरेपनि प्रधानमन्त्री प्रचण्डले श्रेष्ठलाईनै मन्त्री बन्न आग्रह गरेका थिए । आफु मन्त्री बनेसँगै अरुण चाैधरी वा अर्काे कुनै सांसदलाई राज्यमन्त्री बनाउने रञ्जिताकाे तयारी छ ।
गत २१ फागुनमा सत्ता समीकरण फेरिएपछि उनी मन्त्रीबाट हटेकी थिइन् ।