काठमाडौं। आगामी भदौ ११ गतेदेखि १६ गतेसम्म आयाजना हुन लागेको ‘नाडा अटो शो’ का लागि स्टल बुकिङ बिहीबारबाट खुला गरिने भएको छ ।

नाडा अटोमाबाइल्स एसोसियसन अफ नेपालले बुधबार एक सूचना जारी गर्दै यसबारे जानकारी दिएको हो ।

स्टल बुकिङका लागि जेठ ३१ गतेदेखि असाढ ४ गतेसम्मको समय दिइएको छ । नाडाका अनुसार यस शो मा करिब ६८ वटा ब्रान्ड सहभागी हुने अनुमान गरिएको छ ।

नाडाले हरेक वर्षको दशैं अघि भृकुटीमण्डपमा ‘नाडा अटो शो’ आयोजना गर्दै आएको छ।