मुम्बई। अभिनेता सलमान खानको घरमा भएको गोलीकाण्डको अनुसन्धान गरिरहेको मुम्बई प्रहरीले नयाँ खुलासा गरेको छ । लरेन्स गिरोहले सलमानकाे हत्या गर्न २५ लाखको ठेक्का दिएको प्रहरीले जनाएको छ ।

यस घटनामा पक्राउ परेका लरेन्स गिरोहका ५ जना अभियुक्तविरुद्ध प्रहरीले अहिले मुद्दा दायर गरेको छ ।

यी अभियुक्तहरू सलमानमाथि आक्रमण गर्न पाकिस्तानबाट एके–४७ राइफल, एके–९२ राइफल र एम–१६ राइफल किन्ने तयारीमा थिए । यस बाहेक उनले जिगाना पेस्तोल पनि लिन खोजेका थिए जसबाट पञ्जाबी गायक सिद्धु मूसेवालाको हत्या भएको थियो ।