अमेरिका र इरानबिच दुई हप्ताको युद्धविराम सम्झौता भएको छ । इरानको सर्वोच्च राष्ट्रिय सुरक्षा परिषद्ले प्रकाशित गरेको एक विज्ञप्तिमा पाकिस्तानको समन्वयमा भएको वार्तामा दुई हप्ताको युद्धविराम सम्झौताको गरेको जनाएको छ।

विज्ञप्तिमा भनिएको छ कि युद्धविराम सम्झौता इरानका नयाँ सर्वोच्च नेता अयातोल्लाह मोज्तबा खामेनीको स्वीकृतिमा भएको हो।

विज्ञप्तिमा भनिएको छ,-‘सम्झौता “इरानको लागि विजय” हो, साथै स्थायी सम्झौताको लागि वार्ता इस्लामाबादमा हुनेछ।’

विज्ञप्तिमा भनिएको छ,-‘ पाकिस्तानका प्रधानमन्त्रीले इरानलाई जानकारी गराएका छन् कि अमेरिकाले इरानको १०-बुँदे योजनालाई वार्ताको आधारको रूपमा स्वीकार गरेको छ।’

“यसको अर्थ युद्धको अन्त्य होइन र इरानले युद्धको अन्त्यलाई त्यतिबेला मात्र स्वीकार गर्नेछ जब १०-बुँदे योजनामा ​​परिकल्पना गरिएका सिद्धान्तहरूलाई वार्तामा अन्तिम रूप दिइन्छ।”

वार्ता अप्रिल १०, शुक्रबार इस्लामाबादमा सुरु हुने इरानले जनाएको छ । सहमतिमा वार्ताको अवधी बढाउन सकिने उल्लेख छ ।

“वार्तामा इरानी राष्ट्रका सबै मागहरू पूरा नभएसम्म मैदानमा छेउछाउमा लड्नेछौं। हाम्रा हातहरू ट्रिगरमा छन्, र शत्रुले थोरै गल्ती गर्ने बित्तिकै, यसको पूर्ण बलका साथ जवाफ दिइनेछ।” इरानले भनेको छ ।

यस‌अघी अमेरिकी राष्ट्रपति डोनाल्ड ट्रम्पले इरानलाई चेतावनी दिँदै मंगलबार राति इरानको “एउटा पूरै सभ्यता समाप्त हुन सक्ने” बताएका थिए ।

ट्रम्प चेतावनी दिँदै भने -मंगलबार राति “इरानी सभ्यता समाप्त हुन सक्छ”