काठमाडौँ । टी–२० विश्वकप च्याम्पियन भारतीय टोलीलाई भारतीय क्रिकेट कन्ट्रोल बोर्ड (बीसीसीआई) ले १२५ करोड भारु नगद पुरस्कार दिने घोषणा गरेको छ । उक्त पुरस्कार रकम खेलाडी र प्रशिक्षकका ४२ सदस्यलाई वितरण गरिएको हो ।

भारतीय मिडियाका अनुसार १२५ करोडमध्ये १५ खेलाडीले ५-५ करोड पाउने छन् भने द्रविडसहित कोचिंग स्टाफले २.५ करोड जनही पाउने छन् । त्यस्तै फिजियोथेरापिष्ट सहित ९ जनाको टिमले जनही २-२ करोड, ट्राभलिङ रिजर्भको रुपमा गएका चार खेलाडीले एक एक करोड तथा छनौट समितका ५ जनाले एक एक करोड पाउने भएका छन् ।

यसअघि बीसीसीआईले प्रशिक्षक द्रविडलाई अतिरिक्त बोनससहित ५ करोड दिने बताएकाे थियो । तर द्रविड उक्त बोनस लिन अस्वीकार गरेका हुन् ।

जुन २९ मा भारतले दक्षिण अफ्रिकालाई ७ रनले पराजित गर्दै टी–२० विश्वकपको उपाधि जितेको थियो ।