बारा । बारा जिल्लाको कलैया उपमहानगरपालिका–१० मटिअर्वास्थित सीमा ईलाकाबाट साउन ११ गते ब्राउन सुगर जस्तो पदार्थ सहित सशस्त्र प्रहरीले एक जनालाई नियन्त्रणमा लिएको छ ।

भारतबाट नेपालतर्फ आउँदै गरेका सोही महानगरपालिका–१९ रघुनाथपुर बस्ने २५ बर्षिय मन्जर अंसारीलाई प्रस्तावित सीमा सुरक्षा गुल्म मटिअर्वाले नियन्त्रणमा लिएको हो ।

अंसारीलाई जाँच गर्ने क्रममा प्लास्टिकमा प्याक गरी लुकाई छिपाई ल्याउँदै गरेको ९१.९६० ग्राम ब्राउन सुगर जस्तो पदार्थ फेला परेको हो ।

नियन्त्रणमा लिइएका अंसारीलाई उक्त पदार्थ सहित आवश्यक कारवाहीको लागि जिल्ला प्रहरी कार्यालय कलैया बारामा बुझाइएको छ ।