काठमाडौं । चर्चित टिकटकर तथा मोडल स्मारिका ढकालले ‘ज्ञानशास्त्र’बाट फिल्ममा डेब्यु गर्ने भएकी छन् ।

टिकटकरको रुपमा उदाएकी उनलाई निर्माताले शीर्ष भूमिकामा अनुबन्धित गरेका छन् ।

फिल्ममा स्मारिकाको शीर्ष भूमिका रहने छ । शिक्षालाई राजनीतिबाट मुक्त गर्न एक महिला पात्रले गर्ने संघर्षलाई फिल्ममा देखाइएको छ ।

चलचित्र विकास बोर्डको अध्यक्षमा दिनेश डीसी नियुक्त भएपछि ‘ज्ञानशास्त्र’लाई पहिलो पटक निर्माण इजाजत दिएका थिए ।

फिल्ममा स्मारिकाका अलावा समीर खान, रविन्द्र झा, नरेश पौड्याल, सुशील पौडेल, सुरवीर पण्डित, पूर्णिमा थापा लगायतको अभिनय रहनेछ। यसको छायांकन भदौ २२ देखि धादिङ र चितवनमा छायांकन सुरु हुँदैछ ।

स्मारिकालाई टिकटकमा पछ्याउनेको संख्या ११ लाख छ । टिकटक हुँदै चर्चामा आएकी ढकाल पछिल्लो समय मोडलिङको क्षेत्रमा चर्चित छिन्।