काठमाडौं । बलिउड अभिनेता सलमान खानका पिता सलिम खानलाई एक महिलाले धम्की दिएकी छन् ।

बुधवार बिहान सलिम मर्निङ वाक गर्न गएका बेला उनलाई धम्की आएको हो ।

कार्टर रोडमा हिडिरहेका बेला एक महिला एक पुरुषसँग मोटरसाइकलमा आएर सलिमलाई भनिन्– ‘होशियार बस् नत्र लरेन्सलाई भनिदिन्छु’

यस विषयमा बान्द्रा पुलिसले मुद्दा दर्ता गरेको छ। साथै एक जना अभियुक्तलाई पक्राउ पनि गरेको छ ।

१४ अप्रिलमा सलमानको मुम्बईस्थित घरमा पाँच राउण्ड फायरिङ भएको थियो। गोली चलाउनेहरु मोटरसाइकलमा आएका थिए । त्यसको दुई दिनपछि मुम्बई प्रहरीले आरोपीलाई गुजरातबाट पक्राउ गरेको थियो।

हालसम्म प्रहरीले लरेन्ससहित ९ जनालाई मुद्दामा आरोपी बनाएको छ । जसमध्ये हालसम्म ६ जना पक्राउ परेका छन् ।

प्रहरीलाई दिएको एक वयानमा सलमानले लरेन्स गिरोहबाट आफ्ना परिवारका सदस्यलाई खतरा रहेको बताएका थिए ।