भारतीय क्रिकेट टीमका कप्तान रोहित शर्माले माफी मागेका छन्। न्यूजिल्यान्डसँग जारी टेस्टमा भारतको लज्जास्पद प्रदर्शनप्रति रोहितले माफी मागेका हुन्।

भारतको बैङ्गलोरमा बिहीवारदेखि टेस्ट म्याच सुरु भएको छ। पहिलो खेलमा भारत न्यूजिल्यान्डविरुद्ध जम्मा ४६ रनमा अलआउट भयो । ९२ वर्षको टेस्ट इतिहासमा पहिलोपटक भारत आफ्नै घरेलु मैदानमा सबैभन्दा कम स्कोरमा अलाउट भएको हो।

यसैको जिम्मेवारी लिँदै भारतीय कप्तान शर्माले गल्ती भएको भन्दै माफी मागेका हुन्।

उनले पिचलाई लिएर ठूलो गल्ती भएको भन्दै टस जितेर पहिला ब्याटिङ्ग गर्ने निर्णय गरेको बताए। उनले पिचमा पहिलो सेशन क्रिटिकल हुने सोचेको तर, त्यसो नभएको पनि बताए।

पिचमा धेरै घाँस नभएको कारणले टीममा कुलदीप यादवलाई ल्याएको र उनले यस्तो पिचमा राम्रो बलिङ्ग गर्ने गरेको तर, यसपटक आफुहरुले सोँचेको भन्दा उल्टो भएको कप्तान रोहितको भनाइ छ।

यो खेलपछि न्यूजिल्यान्ड भने बलियो स्थितिमा पुगेको छ।