कञ्चनपुर । कञ्चनपुरमा श्रीमतीको हत्या गरेको आरोपमा नेपाल प्रहरीका पूर्व असई पक्राउ परेका छन्।

शनिबार राति भीमदत्त नगरपालिका-८ तिलाचौरमा घरायसी विवादमा ४९ वर्षीया नरेन्द्र विष्टले ३० वर्षीया श्रीमती ज्योती विष्टको हत्या गरेको जिल्ला प्रहरी कार्यालय कञ्चनपुरले जानकारी दियो ।

घटनाबारे आफन्तले थाहा पाएपछि प्रहरीलाई खबर गरेका थिए। प्रहरीले गएराति नै नरेन्द्रलाई पक्राउ गरेको हो।

प्रहरीले घटनाबारे आवश्यक अनुसन्धान गरिरहेको छ ।

ज्योतीको शव परीक्षणका लागि महाकाली प्रादेशिक अस्पतालमा राखिएको छ ।