काठमाडौं । सुदूरपश्चिम रोयल्सले नेपाल प्रिमियर लिग (एनपीएल)को आफ्नो पहिलो खेलमा विराटनगर किंग्सविरुद्ध सहज जित निकालेको छ ।

मंगलबार कीर्तिपुरस्थित त्रिवि क्रिकेट मैदानमा भएको खेलमा सुदूरपश्चिमले विराटनगरलाई ९० रनले पराजित गरेको हो ।

सुदूरपश्चिमले दिएको १८३ रनको विशाल लक्ष्य पछ्याएको विराटनगर किंग्सले ९२ मात्रै बनाउन सक्यो ।

विराटनगरका लागि बसिर अहमदले २४, निकोलस किर्टोनले १५ र क्रिस सोलेले १० रन बनाए । अन्यले भने दोहोरो अंकमा रन बनाउन सकेनन् ।

जारी एनपिएलमा विराटनगरको यो लगातार दोस्रो हार हो । यसअघि पहिलो खेलमा विराटनगर जनकपुर बोल्ट्सविरुद्ध आठ विकेटले पराजित भएको थियो ।