काठमाडौं । चितवनमा रास्वपा सभापति तथा पूर्वगृहमन्त्री रवि लामिछानेका समर्थक र प्रहरीबीच झडप भएको छ ।

बधुबार बयानका लागि लामिछानेलाई जिल्ला सरकारी वकिल कार्यालय लैजाने क्रममा उनका समर्थक र प्रहरीबीच झडप भएको हो । सो क्रममा केही प्रदर्शनकारी र प्रहरी घाइते भएका छन् ।

चितवनको चौबिसकोटीबाट प्रदर्शनसँगै अघि बढेका रास्वपा कार्यकर्ता जिल्ला प्रहरी कार्यालयअगाडि पुगेपछि प्रहरीले रोक्न खोजेपछि झडपको अवस्था सिर्जना हुन पुगेको हो ।

प्रहरीले प्रदर्शनकारीलाई रोक्न पानीको फोहोरा र अश्रुग्यास समेत प्रहार गरेको थियो । अहिले झडप केही मत्थर भएको छ ।