काठमाडौं ।  राजधानीमा जारी नेपाल प्रिमियर लिग (एन.पि.एल.)मा आज (शनिबार) दुई खेल हुँदैछन् । 

एन.पि.एल. को आजकोे पहिलो खेलमा लुम्बिनी लायन्स र सुदूरपश्चिम रोयल्स बीच प्रतिस्पर्धा हुँदैछ । यो खेल त्रि.वि. क्रिकेट मैदान कीर्तिपुरमा बिहान ९ः१५ बजे शुरू हुनेछ । 

जारी एन.पि.एल. मा दुुवै टोलीको यो तेस्रो खेल हो । एनपिएलमा दुई खेल खेलेको लुम्बिनीले दुवै खेलमा हार ब्यहोरेको छ । लुम्बिनीले आफ्नो पहिलो खेलमा विराटनगर किङ्ग्स सँग दुई विकेटले पराजित भएको थियो भने दोस्रो खेलमा पोखरा एभेन्जर्स सँग पराजित भएको थियो । 

सुदूरपश्चिम रोयल्सले भने दुई वटै खेल जितेको छ । सुदूरपश्चिमले पहिले खेलमा विराटनगर किङ्ग्सलाई ९० रनले र दोस्रो खेलमा काठमाडौं गुर्खाजलाई ७३ रनले हराएको थियो । 

त्यस्तै, आजको दोस्रो खेलमा कर्णाली याक्स र विराटनगर किङ्ग्स भिड्दैछन् । यो खेल त्रि.वि. क्रिकेट मैदान कीर्तिपुरमा दिउँसो सवा १ बजे शुरू हुनेछ । 

जारी एन.पि.एल.मा कर्णाली याक्सले तीन खेल खेलेको छ । जसमा दुई वटामा पराजित हुँदा एक  खेल भने जितेको छ ।  एन.पि.एल.मा तीन खेल खेलेको विराटनगर किङ्गसले पनि यस अघि दुई खेलमा हार भोग्दै एक खेल जितेको थियो ।