काठमाडौँ । नेपाल पत्रकार महासंघको अध्यक्ष निर्मला शर्मा विजयी भएकी छन् ।

आइतबार राति महासंघ केन्द्रीय निर्वाचन समितिले शर्मा अध्यक्षमा निर्वाचित भएको घोषणा गरेको हो ।

प्रेस चौतारी नेपाल र प्रेस युनियन गठबन्धनबाट अध्यक्षको उम्मेदवार रहेकी शर्मा ४२८२ मतसहित अध्यक्षमा निर्वाचित भएकी छन् भने उनका निकटतम प्रतिद्वन्द्वी रमेश विष्टले ३२०३ मत प्राप्त गरेका छन् ।

यस्तै वरिष्ठ उपाध्यक्षमा दीपक आचार्य निर्वाचित भएका छन् । उनले ४ हजार २३० मत ल्याएर विजयी भएका हुन् ।

महिला उपाध्यक्षमा नितु पण्डितले ४ हजार ७०५ मत ल्याएर विजयी भएकी छन् भने उपाध्यक्षमा समवेशिमा उमितप्रसाद बागचन्द ४ हजार २९२ मत ल्याएर विजयी भएका छन् । महासचिव रामप्रसाद दाहाल ४ हजार २९२ मत ल्याएर विजयी भएका छन् ।

यस्तै खुला सचिवमा रमेश खतिवडा, महिला सचिव सोनी शर्मा, दलित सचिव प्रकाश धौलाकोटी, सहसचिव वैकुण्ठराज पराजुली र कोषाध्यक्षमा रामकृष्ण अधिकारी निर्वाचित भएको निर्वाचन समितिले जनाएको छ ।

सूची :