काठमाडौं। यूएईको इन्टरनेशनल लिग टी–२० आईएलटी–२० को टोली द डिजर्ट भाइपर्सले नेपाली राष्ट्रिय क्रिकेट टोलीका अलराउन्डर कुशल मल्ललाई अनुबन्ध गरेको छ ।

मंगलबार भाइपर्सले आफ्नो सामजिक सञ्जालमार्फत कुशललाई अनुबन्ध गरेको जानकारी दिएको हो ।

हालै सम्पन्न नेपाल प्रिमियर लिगमा कुशलले राम्रो प्रदर्शन गरेका थिए । उनले २२३ रन बनाएका थिए भने ९ विकेट लिएका थिए ।

बायाँ हाते ब्याट्सम्यान र बायाँ हाते स्पिन बलर मल्लले फेब्रुअरी २०२० मा अमेरिकाविरुद्ध १५ वर्ष र ३४० दिनको उमेरमा आफ्नो एकदिवसीय अन्तर्राष्ट्रिय डेब्यू गरेका थिए।

यूएईमा आईएलटी–२० जनवरी ११ देखि फेब्रुअरी ९ सम्म आयोजना हुनेछ ।