काठमाडौं। बलिउड अभिनेता सैफ अली खानमाथि जनवरी १६ मा आक्रमण भएको थियाे ।

बान्द्राको ११औं फ्लोरमा रहेको फ्ल्याटमा अज्ञात व्यक्तिले चक्कु प्रहार गरेपछि लीलावती अस्पताल भर्ना भएका सैफ हालै डिस्चार्ज भएका छन्। 

यस घटनामा प्रहरीले बंगलादेशी नागरिक भनिएका शरिफूल शहजादलाई पक्राउ गरेर विभिन्न कोणबाट अनुसन्धान गरिरहेको छ । यसैबीच घटनाबारे एक नयाँ खुलासा भएकाे छ ।

प्रहरीका अनुसार बयानका क्रममा आराेपी शहजादले अभिनेता शाहरुख खानको बंगला ‘मन्नत’ मा चोरी गर्न खाेज्दा असफल भएपछि सैफको घरमा पसेको बताएका छन् ।

आरोपीले भारतीय कागजात बनाउन पैसा चाहिने भएकाले यो सब गरेको बयानमा बताएकाे प्रहरीले जनाएकाे छ ।