काठमाडौं । अमिताभ बच्चनकी नातिनी आराध्या बच्चन दिल्ली उच्च अदालत पुगेकी छन् ।

आफुविरुद्ध गलत समाचार फैलाइएको भन्दै आराध्याले अदालत पुगेर निवेदन दर्ता गराएकी हुन् ।

सन् २०२३ मा केही युट्युब च्यानलहरूले आराध्या धेरै बिरामी छिन् भन्दै उनको बारेमा गलत समाचार चलाएका थिए। उनको मृत्युको अफवाह समेत फैलाइएको थियो ।

आराध्याले यस्ता समाचारको प्रसारणमा प्रतिबन्ध लगाउन माग गर्दै सोही समयमा दिल्ली उच्च अदालतमा निवेदन दिएकी थिइन्् ।

त्यसपछि अदालतले गुगललाई सबै झुटा समाचार हटाउन आदेश दिएको थियो।

तर यस विषयमा अहिलेसम्म उचित कारबाही नभएको आरोप आराध्याले नयाँ निवेदनमा लगाएकी छिन्। केही साइटहरूमा अझै पनि गलत समाचारहरू उपलब्ध रहेको उनको भनाइ छ ।

अब यस मुद्दाको सुनुवाइ मार्च १७ मा हुनेछ।