काठमाडौं । काठमाडौंमा भएकाे महिला टी-२०आई शृंखलामा नेपाल जितविहीन बनेको छ ।

शुक्रबार भएको अन्तिम खेलमा पनि नेपाल थाइल्याण्डसँग ७ विकेटले पराजित भयो । नेपालले दिएको ८२ रनको लक्ष्य थाइल्याण्डले १७ ओभरमा ३ विकेटको क्षतिमा पूरा गर्‍यो ।

याेसँगै थाइल्याण्डले यस शृंखलाको उपाधि जितेको छ ।

६ मध्ये ५ खेलमा जित हासिल गरेको थाइल्याण्ड १० अंकसहित शीर्ष स्थानमा रहँदै उपाधि जित्न सफल भएकाे हाे । ६ खेलमा ८ अंक जोडेको नेदरल्याण्ड्स भने सिरिजको उपविजेता बन्यो ।

नेपाल भने सिरिजमा खेलेका सबै ६ खेलमा पराजित भयाे ।