काठमाडौं । खानेपानी मन्त्री प्रदीप यादवले नेपाल विद्युत् प्राधिकरणको गल्तीका कारण मेलम्ची खानेपानी आयोजनाको पाइप फुटेको आरोप लगाएका छन् ।

काठमाडौं उपत्यका खानेपानी लिमिटेड (केयूकेएल) का सीईओ अशोक पौडेललाई लिएर बबरमहल पुगेका मन्त्री यादवले यस्तो बताएका हुन् । ‘विद्युत् प्राधिकरणको गल्तीले घटना भएको हो । लाइन बिछ्याउने क्रममा गरेको गल्तीका कारणले पाइप फुटेको देखिन्छ । हामी र केयूकेएलसँग नसोधि काम गर्‍यो,’ उनले भने ।

मन्त्री यादवले पााइप ठूलो भएका कारणले त्यहाँ बाँकी भएको पानी आइरहेको बताए ।