मुम्बई। फिल्म निर्माता निर्देशक राजकुमार सन्तोषीको कमेडी फिल्म ‘अंदाज अपना अपना’ यसै वर्षको अप्रिलमा पुनः हलमा रिलिजको लागि तयार गरिएकाे छ ।

फिल्ममा सलमान खान र आमिर खान महत्वपूर्ण भूमिकामा रहेका छन् । रोमान्स र कमेडीले भरिपूर्ण यो फिल्मले बक्स अफिसमा खासै कमाई गर्न सकेको थिएन ।

सन् १९९४ मा आएको यो चलचित्रले बक्स अफिसमा खासै राम्राे ब्यापार नगरेपनि टिभीमा आएपछि भने फिल्मले ठूलो सफलता हासिल गरेको थियो । फिल्ममा आमिर–सलमानको केमेस्ट्रीको पनि निकै तारिफ भएको थियो ।

निर्देशक सन्तोषीले भने, ‘अंदाज अपना अपना’ मेरो मुटुको धेरै नजिक छ र यो फिल्म यसै वर्ष अप्रिलमा रिलिज हुने कुरा सुनेर म निकै उत्साहित छु ।’

‘अंदाज अपना अपना’ एक एक्सन कमेडी फिल्म हो। फिल्ममा सलमान र आमिरका साथै रविना टण्डन, करिश्मा कपूर, परेश रावल र शक्ति कपूरको पनि अभिनय रहेको छ । यो फिल्म पहिलो पटक नोभेम्बर ४, १९९४ मा रिलीज भएको थियो।