काठमाडौं । नारायणगढबाट मुग्लिनतर्फ आउँदै गरेको मोटरसाइकल दुर्घटना हुँदा चालक त्रिशूलीमा खसेका छन्।

शुक्रबार इच्छाकामना गाउँपालिका-५ कालिखोला पुल नम्बर ३ मा बागमती प्रदेश ०६-०२ प ९२०४ नम्बरको मोटरसाइकल दुर्घटनामा हुँदा चालक त्रिशूलीमा खसेका हुन्।

प्रहरीका अनुसार दुर्घटनास्थलमा लमजुङको साविक चन्दरेश्वर गाविस–३ घर भई हाल चितवनको भरतपुर महानगरपालिका–१ बस्ने २७ वर्षीय रोहित रानाको नागरिकता भेटिएको छ ।

उक्त नागरिकता र परिचपयत्रका अनुसार राना भारतीय सेना (इन्डियन आर्मी ) रहेको खुलेको छ ।

बेपत्ताको खोजी कार्य भइरहेको प्रहरीले जानकारी दिएको छ ।