काठमाडौं । चर्चित गायक तथा सर्जक प्रकाश सपुतलाई कोरोना संक्रमण पुष्टि भएको छ । गायन क्षेत्रमा आफ्नो छुट्टै साप बनाएका गायक सपुतलाई शुक्रबार कोरोना संक्रमण पुष्टि भएको हो ।

आफ्नो सामाजिक सञ्जालको फेसबुक पेज मार्फत आफुलाई कोरोना पुष्टि भएको जनाएका छन् ।

उनले फेसबुक मार्फत ‘अन्ततः काठमाण्डौ मेडिकल कलेज (केएमसी) का अनुसार मेरो पिसिआर रिपोर्ट मा कोरोना पोजिटिभ देखिएको छ । सर्वप्रथम त यो बिचमा मेरो प्रत्यक्ष सम्पर्कमा रहनुभएका सबै जनाले पिसिआर टेस्ट गर्नु होला । एकदमै धेरै शरिर दुख्नेर गल्ने, छटपटि हुने, टाउको भारी हुने,घरीघरी श्वास बढ्ने र केहि हुन्छ कि जस्तो एन्जाईटि फिल भएपछि मैले पिसिआर टेस्ट गरेको थिए । म होम आईशुलेशनमामा छु । अवस्था सामान्य छ । कोरोना जित्न सकिन्छ भन्ने आत्मबल त राखौ तर यसलाई सामान्य भने नठानौ । किनकि लक्षण सामान्य भएपनि यसले निकै हतोत्साहि बनाउने रहेछ । सतर्कता अपनाउ । सुरक्षित बसौ ’ भनेका छन् ।

केही समयअघि सार्वजनिक भएको ‘मेरो पनि होइन र यो देश ?’ भिडियोले सर्वाधिक चर्चा बटुलिरहेको छ ।