काठमाडौं । युगान्डामा जारी महिला टी-२० अन्तरराष्ट्रिय क्रिकेट प्रतियोगिताअन्तर्गत आज हङकङविरुद्धको खेलमा नेपालले टस हारेर पहिले बलिङ गर्ने भएको छ ।

टस जितेपछि हङकङले पहिले ब्याटिङ गर्ने निर्णय लिएको हो। खेल नेपाली समयानुसार दिउँसो पौने १ बजे सुरु भएको छ।

जारी प्रतियोगितामा पाँच खेल खेलेको नेपालले एकमा मात्रै जित निकालेको छ ।पहिलो चरणमा हङकङसँग २ रनले पराजित भएको थियो। युगान्डालाई पहिलो चरणमा एक विकेटले पराजित गरे पनि बाँकी सबै खेलमा नेपाल पराजित भएको छ।