काठमाडौं । नेपाली कांग्रेसका सभापति शेरबहादुर देउवाले आमनिर्वाचनमा कुनै एक दलको बहुमत आउन गाह्रो भएको बताएका छन् ।

आइतबार नेपाल मुस्लिम संघको इद मिलन तथा नयाँ वर्षको शुभकामना आदानप्रदान कार्यक्रमलाई सम्बोधन गर्दै सभापति देउवाले अहिलेकै अवस्थामा आमनिर्वाचनमा कुनै एक दलको बहुमत आउन गाह्रो भएको बताए।

‘कुनै पनि एउटा दलको आमनिर्वाचनमा बहुमत आउन गाह्रो छ । त्यसैले सबै दललाई मिलाएर अघि बढ्नुपर्छ,’ उनले भने । सभापति देउवाले देशको संविधान सबैलाई मिलाउन सक्ने खालको भएको तथा समावेशी र समानुपातिक आधारमा देश अघि बढिरहेको बताए ।