काठमाडौं । नेपाल सुपर लिग (एनएसएल) को तेस्रो संस्करणमा आज ललितपुर सिटी एफसी र धनगढी भिड्दैछन् । 

त्रिपुरेश्वरस्थित दशरथ रंगशालामा खेल साँझ ६ बजे शुुरु हुनेछ । यी टोलीले लिग चरणमा गोलरहित बराबरी खेलेका थिए । यद्यपि, ललितपुर १२ र धनगढी ११ अंकसहित प्लेअफमा पुगेका थिए । यो खेल जित्ने टोलीले सिधैं फाइनलमा स्थान बनाउने छ ।

हार्नेले भने दोस्रो क्वालिफाइरमा इलिमिनेटरको विजेता पोखरा थन्डर्स र चितवन एफसीबीचको विजेतासँग खेल्नेछ । आजको खेल जितेमा धनगढी लगातार तेस्रोपल्ट उपाधिनजिक पुग्नेछ । 

ललितपुर पनि लगातार दोस्रो पटक फाइनलमा पुग्ने लक्ष्यमा छ ।