काठमाडौं । सत्तारुढ दलका प्रमुख सचेतक र शिक्षा समिति सभापतिले आगामी असार १५ गतेभित्र विद्यालय शिक्षा विधेयक पारित गर्ने प्रतिबद्धता व्यक्त गरेका छन् । 

एमाले संसदीय दलका मुख्य सचेतक महेश बर्तौला, कांग्रेसका प्रमुख सचेतक श्यामकुमार घिमिरे र शिक्षा, स्वास्थ्य तथा सूचना प्रविधि समितिका सभापति अम्मर बहादुर थापाले संयुक्त प्रतिबद्धता व्यक्त गरेका हुन् । 

सहमतिपछि शिक्षक महासंघले आन्दोलन फिर्ता भएको घोषणा गरेको छ । १५ असारभित्र विधेयक पारित नभए फेरि आन्दोलनको चेतावनी दिइएको छ ।