काठमाडौं । केज ब्याट्रीको नेपालका लागि आधिकारिक वितरक तथा नेपालको अटोमोटिभ स्पेयर पार्ट्स वितरणको क्षेत्रमा ख्यातिप्राप्त कम्पनी सत्यदिप इन्टरनेसनलले केज पार्टनर्स मिट २०२५ सफलतापूर्वक सम्पन्न गरेको छ ।

गत जेठ २ गते (मे १६) चितवनको सौराहास्थित पार्क सफारी रिसोर्टमा सम्पन्न सो कार्यक्रममा स्टेक होल्डर, पार्टनर र डिलरहरुले आफ्नो व्यावसायिक सफलता र भविष्यको योजना बारेमा जानकारी आदानप्रदान गर्ने अवसर पाएका थिए । सो अवसरमा सत्यदिप इन्टरनेसनलका म्यानेजिङ डाइरेक्टर दिपेन्द्रकुमार मिश्रले कम्पनीको दुई दशक देखिको यात्राको बारेमा जानकारी प्रदान गर्नुका साथै सत्यदिपको गुणस्तर, विश्वसनियता र देशव्यापी वितरण क्षमताको बारेमा जानकारी दिइएको छ ।

सहभागी बीचमा अन्य कुराका अतिरिक्त केजको उत्पादन क्षमताका बारेमा विशेष प्रकारको भिडियो प्रदर्शन गरिएको थियो । जसले महत्वपूर्ण जानकारीका साथ सो दिनलाई अर्थपूर्ण बनाउन भूमिका खेलेको बताइएको छ । सो अवसरमा केजको ग्लोबल भिजन र प्रोडक्ट इनोभेसनको बारेमा केजका सेल्स डाइरेक्टर चोङ चिन सियोङ र केज ब्रान्डको नेपालमा बजार रणनीति, प्रभावशाली वृद्धि पथ र भविष्यको योजना बारेमा सत्यदिप इन्टरनेसनलका बिजनेस डेभलपमेन्ट म्यानेजर दिवाकर मिश्रले प्रस्तुतिकरणमार्फत जानकारी प्रदान गरेका थिए ।

सत्यदिपको लोभलाग्दो बजार प्रभाव बारेमा तथ्याङ्किय प्रस्तुतिकरण गरिएको थियो । कार्यक्रम समापनको अवसरमा सत्यदिप इन्टरनेसनलका म्यानेजिङ डाइरेक्टर दिपेन्द्रकुमार मिश्रले सहभागी सबैलाई धन्यवाद ज्ञापन गर्दै नवीनता, विश्वास र सहकार्यसहित नेतृत्व गर्ने सत्यदिपको भिजनलाई पुनःपुष्टि गरे ।

नेपालमा केजले चाइनिज–ओरिजिन ब्याट्रीमा ४० प्रतिशत र नेपालको दुईपांग्रे सवारीको ब्याट्री बजारमा २० प्रतिशत भन्दा बढी बजार हिस्सा ओगटेको छ । यसकारण यो सेगमेन्टमा केज नम्बर १ ब्याट्री ब्रान्ड बनेको छ । सत्यदिप इन्टरनेसनल प्रा.लि. सन् २००२ मा स्थापना भएको हो । जसले नेपालमा प्रिमियम अटोमोटिभ स्पेयर पार्ट्स र ब्याट्रीको क्षेत्रमा विश्वासिलो वितरकको पहिचान कायम गरेको छ ।

नेपाली बजारमा बोस, भालेओ, जेडएफ र केज लगायतका विभिन्न ब्रान्डसँगको सहकार्यमा कार्य गरिरहेको सत्यदिप इन्टरनेसलन रिटेल नेटवर्क, विश्वसनियता र अतुलनीय सर्भिसका लागि परिचित छ ।