बर्दिया । बर्दियामा करेन्ट लागेर एक जनाको मृत्यु भएको छ ।बाँसगढी नगरपालिका-९ माछागढ बस्ने ५७ वर्षीय राजेन्द्रजंग शाहको करेन्ट लागेर आइतबार बिहान मृत्यु भएको हो । 

शाह आफ्नै खेतमा धानको बिउमा सिँचाइ गर्न विद्युतीय मोटरबाट पानी तान्ने क्रममा करेन्ट लागेर गम्भीर घाइते भएका थिए । गम्भीर घाइते भएका उनलाई कोहलपुर बाँकेमा मेडिकल कलेजमा उपचारको क्रममा मृत्यु भएको प्रहरीले जनाएको छ ।

यस सम्बन्धमा प्रहरीले आवश्यक अनुसन्धान गरिरहेको छ ।