इजरायल । इरान र इजरायलबिच लडाइँका क्रममा इरानकाे मिसाइल आक्रमण राेक्न इजरायलको दैनिक अर्बौं रुपैयाँ खर्च भइरहेको र त्यसलाई निरन्तरता दिन इजरायललाई गार्‍हो हुने रिपोर्टहरु आएका छन् । इजरायलको मिसाइल प्रतिरक्षा प्रणालीले यसको स्रोतहरूमा अत्यधिक दबाब परेको वाशिङ्टन पाेस्टमा रिपोर्ट प्रकाशित भएकाे छ ।

साे रिपोर्ट अनुसार इजरायलको मिसाइल प्रतिरक्षा प्रणालीकाे अनुमानित खर्च प्रतिदिन झण्डै २८५ मिलियन अमेरिकी डलर पर्छ । जुन नेपाली रुपैयाँ अनुसार दैनिक ३९ अर्ब पर्न जान्छ ।

वाशिङ्टनपाेस्टका अनुसार विज्ञहरूले चेतावनी दिएका छन् कि यदि अमेरिका बाट पुनआपूर्ति नभएमा इजरायलसँग रहेका यो प्रणाली १० देखि १२ दिनभन्दा बढी टिक्न सक्दैन । इजरायलसँग भएको प्रतिरक्षा प्रणाली १०/१२ दिनमै सकिनेछ । याे रिपोर्टले इजरायललाई दवावमा पारेकाे छ ।

इजरायलले एरो, आइरन डोम, डेभिडको स्लिङ, र थाड/प्याट्रियट प्रणालीहरू सहित आफ्नो बहुस्तरीय रक्षा प्रणालीहरू राखेकाे छ । प्रत्येक एरो इन्टरसेप्टर मिसाइलको मात्र लागत ३ मिलियन डलर अर्थात नेपाली ४० कराेड रुपैयाँ भन्दा बढी पर्दछ । सो बाहेक आक्रमणमा हुने खर्च र इरानकाे आक्रमणबाट हुने मानविय र भाैतिक क्षति उल्लेखनिय छ ।