काठमाडौं । भारतबाट अवैध रुपले नेपालतर्फ ल्याउँदै गरेको सामान नियन्त्रणमा लिने क्रममा धनुषामा सशस्त्र प्रहरी र तस्कर समूह बीच झडप भएको छ ।

जिल्लाको विदेह नगरपालिका–२ दुहवीस्थित आँप बगैचामा साउन २१ गते साँझ करीव सवा ८ बजेको समयमा भारतबाट अवैध रुपले ल्याउँदै गरेको सामान नियन्त्रणमा लिने क्रममा झडप भएको हो ।

सशस्त्र प्रहरी बल नेपाल प्रस्तावित सीमा सुरक्षा गुल्म महिनाथपुबाट डिएसपिको कमाण्डमा रहेको सुरक्षा फौजले उक्त तस्करिको सामान नियन्त्रणमा लिन खोज्दा तस्कर र स्थानीय वासिन्दा जम्मा भई सुरक्षा कर्मी माथी ढुङ्गामुढा प्रहार गरेका थिए ।

स्थितिलाइ नियन्त्रणमा लिने क्रममा सशस्त्र प्रहरि बलले एसएलआर बाट ४ राउण्ड हवाई फायर गरेको छ । झडपका क्रममा स्थानीयले तस्करिको केही सामान लुकाएका छन् भने एउटा मोटरसाईकल र केही किरान सामान नियन्त्रणमा लिइएको छ ।

बरामद सामान तथा मोटरसाईकल आवश्यक कारवाहीको लागि सम्बन्धित निकायमा बुझाउने प्रक्रियामा रहेको छ ।