काठमाडौं।एनआइसी एसिया बैंकका ग्राहकले अन्नपूर्ण न्यूरो अस्पतालमा स्वास्थ्य उपचार गराउँदा १० प्रतिशत छुट पाउने भएका छन्। ग्राहकलाई स्वास्थ्य उपचार गराउँदा छुट उपलब्ध गराउने सम्बन्धमा अन्नपूर्ण न्यूरोलोजिकल इन्स्टिच्युट एण्ड एलआइड साइन्स र बैंकबीच सम्झौता भएको हो।

यस सम्झौतासँगै बैंकका ग्राहकले काठमाडौंमा रहेको न्यूरो अस्पतालमा स्वास्थ्य जाँच गरी डिजिटल भुक्तानी गर्दा विभिन्न सेवाहरूमा दश प्रतिशत छुट पाउन सक्छन्। अस्पतालसँगको यस सहकार्यले बैंकका ग्राहकलाई स्वास्थ्य उपचारमा सहयोग हुनुका साथै डिजिटल भुक्तानी सेवालाई प्रवद्र्धन गरी नगदरहित कारोबारमा सहयोग पुग्ने बैंकले विश्वास लिएको छ।