काठमाडौं– हरितालिकाका अवसरमा प्रथम महिला सविता पौडेलले भगवान् पशुपतिनाथको पूजार्चना गरेकी छिन् । उनलाई मन्दिरका मूलभट्ट गणेश रावल भट्टले टीकाप्रसाद प्रदान गरे ।

प्रथम महिला पौडेललाई पशुपति मन्दिर प्राङ्गणमा पशुपति क्षेत्र विकास कोषका निमित्त सदस्यसचिव सुभाषचन्द्र जोशीलगायत पदाधिकारीले स्वागत गरेका थिए ।

आराध्यदेव पशुपतिनाथको दर्शन गर्न हजारौँ महिला लामबद्ध छन् । मध्याह्नपछि घुइँचो बढेको छ । व्रत बसेका महिला पशुपतिनाथ मन्दिरको बाहिरी क्षेत्रमा नाचगानका साथ मनोरञ्जन पनि गरिरहेका छन् ।