काठमाडौं । भैरहवाको युनिभर्सल मेडिकल कलेज शिक्षण अस्पतालले बुधबार दिउँसो ४ बजेपछि अक्सिजनसहित उपचार दिन नसक्ने बताएको छ ।

अस्पतालमा दैनिक ७ सय सिलिन्डर अक्सिजन खपत भइरहेको तर मागअनुसार आपूर्ति हुन नसकेकाले बुधबार दिउँसो ३ देखि ४ सम्मलाई मात्र अक्सिजन सिलिण्डर मौज्दात भएकाले त्यसपछि उपचार दिन नसक्ने विज्ञप्तिमार्फत जनाएको छ ।

दैनिक करिब ७ सय बढी हाराहारीमा अक्सिजन सिलन्डिर माग भएता पनि सो आपुर्ति गर्न यस जिल्लामा रहेका तिनवटै अक्सिजन प्लान्टहरुबाट मात्र नभई अन्य जिल्लाहरुबाट समेत अक्सिजन आपुर्ति गर्न कठिनाई उत्पन्न भएको हुदाँ आज दिउँसो ४ बजेदेखि अक्सिजन दिन नसकिने विज्ञप्तिमा उल्लेख छ ।