काठमाडौँ । कर्णाली प्रदेशका दुई मन्त्रीले पद राजीनामा दिएसँगै रिक्त स्थानमा आजै नयाँ मन्त्री नियुक्त हुने भएका छन् । आन्तरिक मामिला तथा कानुन मन्त्री विमला केसी र आर्थिक मामिलामन्त्री नरेश भण्डारीले बुधबार पदबाट राजीनामा दिएका थिए ।

पदबाट राजीनामा दिनेहरूमा माओवादी केन्द्रका मन्त्रीहरू रहेका छन् । उनीहरुले राजीनामा दिनुको कारण खुल्न नसकेको कर्णाली प्रदेशका एक सांसदले जानकारी दिए ।

गत वैशाख ३ गते कर्णाली प्रदेशका मुख्यमन्त्री महेन्द्र बहादुर शाहीले विश्वासको मत लिँदै सरकार जोगाएका थिए । विपक्षमा मतदान गरेको नेकपा एमालेका ४ सांसदले ह्वीप उल्लंघन गर्दै शाहीलाई साथ दिएपछि उनी नेतृत्वको सरकार जोगिएको थियो ।