काठमाडाैं । सशस्त्र प्रहरी बलले म्याग्दी जिल्लाको अन्नपूर्ण बेश क्याम्प बाट आज बिहान सम्म १ सय ६२ जनाको उद्दार गरेको छ ।

सबैलाई सुरक्षित स्थानमा ल्याइएको र अब अन्नपूर्ण बेशक्याम्पमा कोहि पनि पर्यटक नरहेकाे सशस्त्रले जनाएकाे छ ।

सशस्त्र प्रहरी बल नेपाल बिपद् ब्यबस्थापन बेश नारच्याङ म्याग्दी बाट अस्ति कार्तिक ११ गते उद्दारका लागि सुरक्षा फौज बेशक्याम्प तर्फ गएको थियो । सशस्त्र प्रहरी निरीक्षक बिनोद पौडेलको कमान्डमा गएको फौजले १७ बिदेशी पर्यटक सहित आज बिहान सम्म १ सय ६२ जनाको उद्दार गरेको हो ।

बाक्लो हिमपातका कारण जोखिममा परेका र बाटो पत्ता लगाउन नसकेर अलपत्र परेका पर्यटक हरुको डोरिको सहायताले बाटो पहिल्याउंदै उद्दार गरिएको हो । सबै पर्यटकको उद्दार भएपछि यतिखेर बेशक्याम्प खाली भएको छ । ३ दिनको निरन्तर प्रयास पछि बेशक्याम्प हिंडेका केही पर्यटकलाइ बाटो बाटनै फर्काइएको थियो ।

हिजो बुधबार मात्रै बेशक्याम्प बाट ५२ जना पर्यटक र बाटो बिराएर अलपत्र परेका २० जनालाई सुरक्षित स्थानमा ल्याइएको थियो । अस्ति बाटोबाट फर्काइएका र आज बिहान पनि बेशक्याम्प बाट तल झारिएक सहित १ सय ६२ जनाको उद्दार भएको सह प्रबक्ता डिएसपी शैलेन्द्र थापाले जानकारी दिए ।

उद्दार गरिएकाहरुलाइ गुफाफांट , सादिखर्क लगायत हिमपात नभएको स्थानसम्म सुरक्षित ल्याइएको छ । सबै हिमपात नभएको सुरक्षित स्थानमा छ्न् । उद्दार गरिएका केहिमा स्वासप्रस्वास लगायत स्वास्थ्य समस्या देखिए पनि ठूलो समस्या नदेखिएको डिएसपी थापाले जनाएका छन् ।